杜凱琹、李皓晴、蘇慧音展「乒」力 香港乒乓球運動員杜凱琹、李皓晴、蘇慧音，年紀輕輕就打得一手好球，有人更一早確立目標希望代表香港參加奧運。三人喺東奧展現港隊乒乓女團嘅實力，喺團體賽中一路過關斬將，成功摘取銅牌！

香港空手道一姐劉慕裳 香港空手道代表劉慕裳，自小受哥哥影響接觸空手道，贏過唔少世界性奬項。而佢卸下道袍之後亦同普通女仔一樣喜愛打扮化妝。劉慕裳出戰東奧新增嘅項目空手道，打出個人特色之餘，更為港勇奪銅牌！

香港女單車手李慧詩，2012年喺倫敦奧運一鳴驚人，為港摘得一面銅牌。此後佢走過高山，亦經歷過里約奧運嘅低谷，但呢位喺中學時就已顯露體育天分嘅牛下女車神於東奧捲土重來，更成功衝擊獎牌，再度為港爭光！